Kóngurinn í København

2004-08-06T11:42:00.000+02:00

Það var þvílíkt fjör á Roskilde.
Margt um dýrðir og yndislegheit.
Meiri drullu hef ég aldrei séð.

Rigningin er hætt og sólin komin - þvílíkur hiti og engin loftræsting í vinnunni.... great.
Alltaf hefur maður eitthvað að kvarta yfir - maður er fíbl.

Ég er með kenningu.

Nú er það frekar almenn skoðun að Bush sé auli.
Ég sá Farenheit 9/11 , sem fjallar um Bush og árásir á Two Tower og pentagon og svo stríðið í Afganistan og Írak ásamt fleiru sem gagnrýnir forsteta bandaríkjanna.

Ég held að ríkistjórnin og yfirmenn stórfyritækja ásamt öðrum valdamönnum stjórni landinu með ýmsum ráðum og held ég að þeir hafi komið Bush til valda til að augu manna berist ekki að þeirra skítverkum heldur frekar að forsetanum- hann er einsog vitlaust hirðfífl/strengjabrúða sem tekst oftar en ekki að gera sig að athlægi með heimskulegri málfarstækni og fávitaskap.
Ég gæti jafnvel trúað því að Michael Moore hafi verið fenginn til að búa til Farenheit 9/11 til að fá fólk á móti forsetanum svona rétt fyrir kosningar þannig að allir verði happy þegar nýr forseti verður kjörinn í BNA og spillingin getur haldið áfram og allur sorinn án þess að kanar fatti nokkuð.
þegar BNA er annarsvegar er allur sori mögulegur.

Pæling.

2004-06-30T15:38:00.000+02:00

Ég vil hér leiðrétta alvarlegann misskilning.
Tjaldpakkinn kostaði 349 en ekk 399 - biðst innilegrar afsökunar.

Ekki nóg með það heldur splæsti ég í stígvél og svona risa regngalladæmi, svona einsog regnteppi með gatí miðjunni fyrir hausinn og þar er hetta.
Djöfull verð ég vígalegur - en hver veit nema allar þessar rigningaspár verði að engu nema sólskini!

Ground control to major tom mætir ekki, helvítis - hefði verið gaman að sjá hann.

But - im a gonner, búinn að pakka og nú er að vaða uppí næstu lest og kíkja á svæðið.

Bless.

2004-06-28T22:35:00.000+02:00

Splæsti í Roskilde Festival miða í dag. Ákvað það á laugardaginn þegar ég keypti mér tjald, svefnpoka, dýnu og tösku - pakki á 399 DKKR.
Hlakka mikið til, þetta verður magnað.

Hér er búið að rigna næstum linnulaust í 2 vikur - held að það hljóti þá að þýða að það verði sól og blíða næstu helgi!
Fjandinn, ég krefst þess!!

Já, búið að kjósa Óla sem sssseh president - en óvæntar niðurstöður..... not.
Annars voru þessi mótframbjóðendur bara grín.
Jólasveinn og vitfirringur á móti Óla grís.
Hefur ábyggilega verið ódýrasta kosningabarátta sunnan og norðan Alpafjallanna hjá Óla.
Karlgreyið - hann er ágætur.

Allir að muna að setja klinkið sitt í "Ástþór til Afganistans" baukinn sem er í öllum sjoppum - allavegana hér í köben.

2004-06-09T21:09:00.000+02:00

Ég er að drepast úr hungri.
Er farinn að renna hýrum auga til postulíns-fílsins - minnti mig skyndilega á gómsætan borgara frá Old West.....
Best að maður fari að gera eitthvað í þessu hungri.
Nú er reyndar ekki margt í stöðunni, ísskápurinn hérumbil tómur og það litla sem ég á er annaðhvort eldgamalt drasl sem er skemmt eða að ég get ekki hugsað mér að borða það vegna þess að ég enda alltaf að borða það og er kominn með leið á því...... helvítis jacobspíta með osti og sósu og drasli! may you rot in hell instead of my fridge!
Þannig að ég neyðist víst til að fara útá Tyrkjann og fá mér eitthvað góðgæti, þrælgóður Tyrki - held samt að þessi náungi sé langt frá því að vera frá Tyrklandi, ábyggilega úr einhverjum ættbálk í Ástralíu.

Ánægður með Óla grís og þar að taka það til alvarlegrar athugunar að hætta að kalla Óla grís.

Kristín María er í heimsókn og á föstudaginn kemur systir mín.

Sólin búin að yfirgefa mig og í staðinn kom rigning - gott að maður á góða Carlsberg regnhlíf sem maður getur ekki með nokkru móti munað eftir þegar maður fer út og svo bölvar maður sjálfum sér í sand og ösku þegar maður lekur innum dyrnar heima rennblautur og gefur regnhlífinni illt auga.

2004-06-06T16:06:00.000+02:00

Ég held að ég sé kominn með tiltektaráráttu.
Ég tel að ástæðan sem liggur á bakvið það eru tíðar gestakomur sem hafa neytt mig til að taka til og hafa gestakomurnar verið all margar og hef ég slegið persónulegt met í t.d. að ryksuga.
Ekki svo að skilja að gestakomurnar hafi verið mér til ama -þvert á móti.
Málið er bara það að ég kem heim úr vinnunni oftast um 5 leytið og svo ranka ég við mér uppí sófa í svuntu og í gúmmíhönskum og með rúllur í hárinu og allt tandurhreint.
Ætli það sé eitthvað undarlegt efni í kaffinu í vinnunni - eða ætti ég kanski að hætta að japla á laufblöðunum af ómótstæðilega girnilegu plöntunni sem er inná skrifstofunni.....

Var í masókistaham í gær og glápti á Ísland - England. Hvílík hörmung.

2004-05-23T18:27:00.000+02:00

Veðrið er næstum því gott.
Algjört gluggaveður og ágætis hiti - 12° nema hvað að ískalt rok úr norður Atlandshafi gerir útaf við mann á nokkrum mínótum.

Metallica á miðvikudaginn og svo frí á föstudag og þriðjudag og miðvikudag.
Fullt af félögum að koma neðan af skeri til að fara á tónleikana. Verður pottþétt hörku stemming.
Maður er að fara á kostum varðandi tónleika.

Pæling að skella sér til Ítalíu í viku í sumar - það væri snilld svona í lok júlí.

Mér varð nóg boðið fyrir nokkrum klukkutímum og straujaði 6 skyrtur!!
Þetta hlýtur að vera eitthvað met, annað getur ekki verið.
Tilefnið var; 6 mjög krumpaðar skyrtur og nýtt straujárn með einhverju svaka gufusístemi.
Allavegana þá stend ég eftir með alla limi nokkuð heila og ókrumpaðar skyrtur.
Hugsa samt að það sé svoldið í það að ég endurtaki þennann leik í bráð, nefninlega alveg ferlega leiðinlegt.

Maður skammast sín fyrir stjórnvöld á Íslandi.
Alveg týpískt samt að þetta verði allt samþykkt og allir brjálaðir í nokkra daga en svo kemur nýtt "Séð og Heyrt" og allir gleyma öllu og kjamsa á kjaftasögum í staðinn.
Á Íslandi ríkir lýðræði - My ass!

2004-05-18T18:30:00.000+02:00

Ég lét vaða og hringdi í Sturluna og bjóst við að heyra lærdómsmyglaða rödd hans, en nei, ekki alldeilis því hann var nýkominn til Asíu.
Ég og mitt gúbbí-minni var náttúrulega búinn að grjótgleyma því. En ég hefði átt að fatta það því það var einsog heilt fuglabjarg af Asíubúum að segja "Sökkí-sökkí, fæ dolla" í kringum Sturluna og hans vini eða hvort þeir hafi sagt "six dolla" afþví að dollarinn er svo lár.

Ég lenti í því, einsog margir Íslendingar, að horfa á (mið)Erovision á laugardagskvöldið og ég væri til í að vita hvað áhorfendurnir sem voru á staðnum fengu eiginlega greitt mikið til að vera tapa sér í fagnaðarlátum í marga klukkutíma.
Ábyggilega stríðsglæpamenn og fangar sem heitið er sakaruppgjöf ef þeir standa sig vel í að hrópa og veifa einsog álfar.

Ekki bætti úr skák "þulurnar" eða þau sem sáu um að kynna og allt það.
Það þurfti ekki að fá sérfræðinga til því það var greinilegt að konugreyjið var með mikla sjónskekkju og litblindu því að klæðast "bleiku-hörmunginni" og "páska-bónusinnkaupapoka-kjólnum" var eitt og sér góð ástæða til að horfa ekki á þennann ófögnuð.

Húmorinn hjá þeim var líka einstakur og leit maður alltaf aulalega á þá sem sátu í kringum mann til að sjá hvort maður hefði ekki "fattað" brandarann, en þá sá maður sama aulalúkkið á hinum.

Íslenska lagið var svona lag að enginn fattar þegar það byrjar og byrjaði það einsog Jónsi væri að raula og í mútum, svo rembdist hann í hálfamínótu þannig að hausinn rétt tolldi, og svo var það búið.
Frameftir hélt ég í vonina að við myndum ekki fá neitt einasta stig í keppninni en varð svikinn með góðgerðar-meðaumkunar-stigum frá örfáum löndum.

Af hverju er enginn sniðugur og byrjar að selja vansblöðrur og rjómatertu merktar fjölmiðlafrumvarpinu til að selja á Austurvelli á morgun og varpa þeim á DO og hans óþokkalýð.

Er búinn að segja mig úr Sjálfstæðisflokkinum og hvet alla þá sem eru skráðir í flokkinn að hugsa sinn gang vel og vandlega.

2004-05-14T13:05:00.000+02:00

Brúðkaupsgeðveiki, hvaða voða mál er verið að gera úr þessu?!?
Ég er reyndar ekki Dani og er því ekki að missa mig af spenningi og klappa þegar ég sé danska fánann og tala um þetta allann daginn.
Enda er ég því mjög feginn.

Óli grís flýgur heim úr kynsvalli í Mexikó útaf hann fékk sms af forsetaskrifstofunni að allt væri að fara í hass útaf fjölmiðlafrumvarpi og fjölmiðlafrumvarpaði því Óli grís og mrs músarsjéff uppí rellu og uppá sker.
Rifust um hvalveiðiar í rellunni og mrs músarsjéff fór í fýlu og sagði : "þá fer ég bara til Danmerkur í brúðkaupið og gef þeim gleröskubakka sem ég fann útí vegkanti og sting undan Mary Donaldsen! múhahaha"

Einnig held ég að DO sé laumuhommi og þegar Óli grís kemur í havai skyrtunni með greitt í píku, með vindil og clint eastwood look og þrammar uppí ræðupúlt þar sem DO röflar slefandi og segir; Do I feel lucky? og fjölmiðlafrumvarpar fjölmiðlafrumvarpinu fyrir kosningu.
Þá brotnar DO saman og rífur í sundur skyrtuna sína í beinni og sést þá vöxuð bumban, sólbrúnn naflinn með pinna í og brjóstahaldari og segir DO ; já, ég er ekki lengur inní skáp og grípur HannesH og sleikir á honum eyrað og hristir svo krulluðu lokkana og setur á sig varalit og labbar útí sjó.

Annars held ég að Mary Donaldsen sé múslimskur hryðjuverkamaður í dulargerfi sem mun acta eftir því í athöfninni og mun sóðaskapurinn verða eftir því.

Grenjuvælsbrúðkaup.

2004-05-04T18:22:00.000+02:00

Frunsa.
Ég fékk frunsu og er þar af leiðandi með frunsu akkúrat núna.
Af hverju getur maður ekki fengið frunsu einsog t.d. skvettu á sig - maður bara þurrkar hana af og búið mál.
En nei, ekki ennþá - manni er talin trú um að einhveð Sof-vír-sull lagi allt og geri mann að betri manni og sannfærir sjálfann sig að það geri allt betra sem getursvosem vel verið nema hvað að alltaf þegar ég fæ frunsu þá er það á sunnudegi þegar gamla (útrunna) Sof-vír-Sullið mitt er annaðhvort búið eða hefur lekið útum allt og öll apótek lokuð í kring.
Búinn að vera frunsufrír síðan einhverntímann í desember síðastliðinn minnir mig og svo dembist þetta á mig og maður lítur út einsog fífl. Nóg lítur maður út einsog fífl þegar maður er með bara frunsu, en svo fer maður að maka einhverju hvítu sulli á hana bara til að undnirstrika þetta alltsaman og beina athygli annara að því að maður sé með frunsu.
Aukaverkanir sem fylgja frunsu eru í mínu tilfelli vont skap.
Aldrei í heiminum er ég í eins vondu skapi og akkúrat þegar ég fæ frunsu.
Frunsa er túrinn minn.
Djöfull hata ég frunsur.

Bloggleysi, já - ég játa. Kenni gestagangi, góðu veðri og fyrst og fremst leti um það.

Er að fara á Hilton Hotel á morgun á ráðstefnu frá 8 - 16. Veit ekki hvort ég á að mæta í súddara eða kafarabúning eða bara beila og fara í sólbað í Nyhavn.
Ætli það væri ekki skemmtilegast að fara bara í Nyhavn, en miðað við hvað paparazzi gaurarnir elta mig mikið þá býst ég við að það væri í fréttunum seinna um kvöldið þannig að ég býst við að mæta.

Guðbrandur vinur minn varð pabbi um daginn. Til hamingju með stúlkuna!!!!
Myndarstelpa.

2004-04-23T18:19:00.000+02:00

Vei Tívolí!!
Ég er að fara á eftir í einhverja góða ælurólu, eða rússíbana.
Gaman gaman, svo eru alltaf tónleikar á hverju föstudagskvöldi - kíkjum á það.

Föstudagar eru ótrúlega oft vaska upp dagar hjá mér, mikið er maður latur að vaska upp.

Óli er Íslandsmeistari í einhverju í Tæ kvon dó, eða var það Íslandsmeistari í Tæ kvon dó??? hvað um það - til hamingju!
Kolóður maðurinn, sparkar í allt sem hreyfist með tilheyrandi óhljóðum.

Rjómablíðan farin og komin ský... ólíðandi.

2004-04-21T09:37:00.000+02:00

Ég held að það sem selt er í spreibrúsum sem er einhverskonar hreinsi eða sápu eitthvað sé allt það sama.
Það er allavegana hægt að nota það við hvað sem er.
Ég þreif baðið um daginn, sem er ekki frá sögu færandi nema það að ég var með eitthvað sápu-þrífingardót í sprautukönnu.
Allt gekk að óskum og allt orðið glimrandi hreint inná baði og svo fattaði ég 3 dögum seinna að ég hafði þrifið allt með blettahreinsi - svona sem maður spreyjar á föt og setur svo í þvottavélina......
skipti engu máli svosem, nema hvað manni sveið alltaf í sturtaniðurputtann og á öðrum ónefndum stöðum... gott að eiga nóg af plástrum.

Var að glápa á fússball í gær með Bjössa - Monaco vs. Chelsea og þeir klúðruðu þessu big time!

Skrítið með fótbolta, allir dettandi endalaust og ef einhver meiðir sig smá þá er um að gera að henda sér niður í grasið og rúllasér eins langt og maður getur.
Eða rúlla sér fram og til baka.
Fær spark í hendina, jæja best að henda sér í grasið og rúllasér aðeins - fínt að rúlla nokkrum sinnum yfir hönd sem er í mauki.

Það væri gaman að sjá þessa takta í öðrum íþróttum einsog blaki, golfi, pílukasti ofl.

2004-04-19T18:15:00.000+02:00

Hver haldiði að nenni að hanga í tölvunni þegar það er svona yndisleg blíða úti? ha?
Ekki ég, nóg að hanga inni í vinnunni - búið að vera um 15° og sól og snilld síðan þarsíðasta föstudag og það er bara apríl!

Pabbi kom á föstudaginn og ég kom honum skemmtilega á óvart þegar ég rétti honum miða á tónleika með Eric Clapton.
Hann rak upp stór augu og spurði hvað þetta væri og ég sagði að þetta væru 2 miðar á tónleika með Eric Clapton og þá sagði hann "Nei!"
Svo fórum við og það var þvílíkt fjör og alveg pakkað.

Nú er ég orðinn geðveikur og þykist ætla að hætta að drekka bjór nema mögulega örlítið um helgar.
Við skulum sjá til - Þannig að núna er það bara whiskey og vodka.

Er virkilega enginn þarna sem ætlar á Hróarskeldu 2004?!?!?!?!
trúi því tæplega.

2004-04-15T19:40:00.000+02:00

Þá eru þeir farnir, il spagnolo e il italiano.

Á morgun kemur hann karl faðir minn í heimsókn frá Svíþjóð.
Er með massíft plott í gangi, segi frá því ettir helgi.
En það væri vitleysa að segja að við pabbi munum sitja heima á laugardagskvöldið næsta, það væri hrein lygi.

Hér er búin að vera sól og heiðskýrt í marga daga - þvílíkt gott mál, þ.e.a.s. um helgar og eftir kl 4 á virkum dögum því hina tímana er það hell.
Hvernig verður þetta í sumar þegar hitinn úti er 25°+, það verður þokkalegt - labbandi um í svitabaði og mollu því það er engin loftræsting í vinnunni.... maður ætti kanski að velta sér uppúr talkúm 2svar á dag eða raða dömubindum á sig til að taka mesta svitann og engar nærbuxur heldur fullorðins bleyjur og þá þarf maður ekki einusinni að reyna á sig til að fara á klósettið. Ætli það myndi nægja að skipta um 3svar í viku - þarf að spurja Pál Óskar að því.

2004-04-11T12:45:00.000+02:00

já, gleðilega páska!

Er að fara að ná í páskaeggið mitt - þökk sé Hörpu, en hún sendi pabba sinn til köben með egg til mín.
Takk takk.

Í heimsókn eru menn annarsvegar frá Ítalíu og hins vegar frá Spáni.
Raffaele (Lello) og Cesar. Mikið fjör,en mér líður eins og ég hafi ráðið 2 elda og uppvöskunar-buskur.

Fórum á Jazz House í gær og það var mikið fjör, Bjössi rétt fallinn í glyðru-gildru - en hann bjargaði sér uppá eigin spýtur. Seigur.

2004-04-03T14:09:00.000+02:00

Hurðahúnn, hjól og auglýsingarskilti.
Hvað eru menn að hugsa?

Í heimsókn eru víðfrægir menn - lefólfur og bössmundur.
Fótbolti í imbanum en annars er rok og drasl úti samt sól.

Við erum að fara í dýragarðinn og er það liður í að trappa Bössólf niður í dýrafíkn og í leið er ferðin notuð til að kynda undir dýrafíkn hjá lefmundi.
Ég sjálfur ætla að reyna láta drauminn rætast og eigna mér apa og fara með hann heim.
Þá þarf ég ekki að ryksuga og vaska upp.
Shit - ætli greenpiece verði ekki með mótmæagöngu fyrir utan húsið hjá mér í fyrramálið.
Alltaf þegar greenpiece er í sjónvarpinu þá eru þeir í smábátum. Hvað er málið með þessa báta og greenpiece?
Geta ekki mótmælt neinu nema vera í björgunarvestum og í smábátum.
"hættum að myrða kindur og éta þær" segja þeir í smábátahöfninni í keflavík.

2004-04-01T19:56:00.000+02:00

Jæja - hverjir ætla á hróarskeldu 1-4 júlí!!!!??
Ég allavegana. Það verður snilld og ég hvet alla að mæta.

Til hamingju með afmælið Hafdís!

Nú fer að líða að hinum mánaðarlega atburði - sturtu.
Vona að ég eigi afturkvæmt eftir það.
Má maður ekki alveg nota uppþvottalög í staðinn fyrir sjampó...... eða rúðupiss??
Prófum það allavegana.

2004-03-31T16:38:00.000+02:00

Fyrirgefðu Bjössi - ég veit að þú stalst ekki tuskunni afþví að ÉG FANN TUSKUNA!........ á handriðinu á öðrum stigagangi.
Hmm, meikar ekki alveg sens en það sem skiptir máli er að tuskan er komin heim til sín.

Danni kom í heimsókn í gær og var hinn hressasti.
Fengum okkur börger og bjór á stað hér rétt hjá.

Ég er að drepast í gluggaveðri - sól og heiðskýrt úti og ég inni, en ekki lengi þarsem ég er á leið út!
Samt ekkert hlýtt þannig en með smá ímyndunarveiki þá er bara mjög hlýtt.

Vona að Bjössi tali aftur við mig - ég bauð honum meirasegja að fá tuskuna mína lánaða í sárabætur.... hann fussaði við því.

2004-03-29T21:11:00.000+02:00

Ég hef ákveðið að hætta að pæla í þessari tusku - hún hlýtur bara að hafa verið ímyndun hvortsemer.
Hef samt ákveðið að framtíðar tuskur sem kynnu að birtast hér mun ég fanga og hlekkja við ofnana hér heima.
Það mun engin tuska hverfa af mínu heimili framar. Aldrei.

Ég er búinn að skúra og er það þrekvirki og næst á að vaska upp.
Ég sé alltaf eftir því að hafa hent uppþvottavélinni út fyrir þvottavél þegar ég á að vaska upp.
Hefur engum dottið í hug að hafa uppþvottavél, þvottavél og þurrkara í einu tæki?!
Já, Uppþvorrkaravél myndi hún heita - Þetta orð hlýtur að vera til í færeysku og þýðir ábyggilega vídjó eða vöfflujárn.

Ég þori varla að fara uppá stól og kíkja í gatið inná baði - er alveg viss um að það komi alien kvikindi og éti á mig gat.
Of mikið af sjónvarpsglápi - eða of lítið kanski frekar.
Þá er það ákveðið - ég ætla að prófa að vera sjónvarpsfíkill.
Nei annars, það er ekki nógu spennandi.

Hef þó ákveðið að tvöfalda verðlaunin fyrir þann sem finnur tuskuna mína eða veitir upplýsingar sem leiða til handtöku tusku þjófsins.
Sorry, en ég get bara ekki gleymt þessari tusku svona fljótt - þetta var alveg einstök tuska.

2004-03-28T14:02:00.000+02:00

Hvernig á maður að skúra ólakkað trégólf, ekki parket - heldur bara spýtur sem eru pússaðar?
Má skúra svoleiðis gólf?
Er ég að koma uppum heimsku mína með þessum spurningum?

Búið að stela af manni 1 klukkutíma - núna er tveggja tíma munur á Íslandi og Danmörk.

Það býr eitthvað dýr í loftræstigatinu inná baði og það er líka draugur hér.
Ég heyri mjög oft eitthvað tíst í þessu gati þarna, mér er svosem sama - bara að ég fái ekki spánsku veikina, limafallasýki eða eitthvað þeim mun verr af þessu dýri.
Svo er það draugurinn, það er stór gangur að íbúðinni og endar hann við íbúðina hjá mér og þar er hurð og bavið hana mest spúkí gangur í heimi.
Ég loka þessari hurð að meðaltali 1 sinni á dag en næstum alltaf þegar ég kem heim þá er hún opin.
Ólíðandi.

Svo er einhver búinn að stela borðtuskunni minni fínu, ég gruna dýrið í holunni eða drauginn eða Bjössa.
Ég er mest farinn að hallast að því að Bjössi hafi nýtt sér tækifærið meðan ég skrapp á klósettið á föstudaginn og gripið skítuga og blauta tuskuna og smellt henni innásig.
Sumir stela sjónvörpum, aðrir notuðum borðtuskum.

Ég sakna tuskunnar minnar - verðlaunafé í boði.

2004-03-25T13:52:00.000+01:00

Mikið þykir mér að Ítalir ættu að taka Dani til fyrirmyndar að einu leyti.
Það eru engar dúfur útum allt með sín óhljóð og leiðindi fyrir utan hvað þetta eru viðbjóðsleg kvikindi.
Danir eru nefninlega seigir að vera með allskonar system til að varna því að dúfur hangi hér og þar.
Dúfur eru ekkert annað en fljúgandi rottur og finnst mér að íslenska ríkið ætti að vera með verðlaunafé fyrir hvern dúfuhaus sem maður kemur með, svona eins og með minkana nema að ég held að maður fái ekkert fyrir minnkahausinn - bara skottið..... maður ætti kanski að koma með hausinn og skottið í hagkaupspoka til Óla grís, bara svona til að maður fái pottþétt 3000 kallinn - eða ætli sé nóg að senda þetta bara í pósti?

Fór með vinnunni á The Sound of Music í gærkveldi - skildi ekki helminginn enda var þetta á dönsku.
Kíktum svo nokkur á Gamle Kongevej halvfems og fengum okkur "langann bjór" en það er Carlsberg sem tekur 15 mínótur að verða reddý þannig að þegar maður pantar kranabjór þá fær maður flöskubjór á meðan maður bíður eftir hinum.

Er leikhús á Íslandi? var ég spurður um í gær.
Þarf að svara þessu?
Ég svaraði þó jú og að ég hefði séð þetta leikrit á Íslandi og á íslensku, en þá sagði þessi manneskja " já, þú hefur semsagt séð þetta í sjónvarpinu".
Og þá gafst ég upp.

Ég hélt að ég hefði klárað kvótann á heimskulegum spurningum um Ísland á Ítalíu en það virðist ekki vera.

2004-03-22T21:52:00.000+01:00

Jæja, kominn aftur heim til Köben!
Mikið fjör í Osló, ekki séð frænku í 3 ár! Magnað hvað tíminn fýkur.
Mikið finnst mér ég skilja norsku betur en dönsku, alveg magnað.
Það munaði engu að ég missti af fluginu heim, ég var hinn rólegasti og fékk mér einhverja vonda samloku á flugvellinum í Osló og svo rölti ég rólegur í átt að tímatöflunni og þar stóð "Gate Closing" og ég tók þá á rás einsog köttur með sinnep í rassi og rétt náði að góma manninn sem tjékkaði inn og kom inní vél móður og másandi.
Þvílíkt alveg, en náði þó djöfuls vélinni.
Þvílík okurbúlla sem Noregur er, vá maður.

Farinn að skúra af mér eftir Norge.

2004-03-18T11:59:00.000+01:00

St. Patrick's var í gær og því var tækifærið notað til að kíkja út.
Ég og bjössi og vinur hans kítum á Taco stað og fengum okku yfirsaltað kjúklinga-burito.
Fórum svo á stúdenta menninguna á menningarstað. Ok þetta var bar. Busted.
Þar var mikið af fólki enda einhver spes dagur líka þar.

Ég hvet alla karlmenn, hýra jafnt sem ekki, að klippa sig ef þeir eru með sítt hár.
Þetta er svo ömurlega hallærislegt að það er ekki fyndið.
Fyrir utan ömurlegu kækina sem fylgja;
Passa sig að líta alltaf nógu hratt til hliðar svo að hárið sveiflist til.
Blása hárið frá smettinu.
Troða hárinu bakvið eyrun bara til að líta ennþá asnalegri út.
Nota gamla nælonsokka (búnir að kaupa sér nýja) til að binda hárið í tagl.
og fleira og fleira.

Væluseggir geta farið hingað.

eða farið í klippingu - mæli með því frekar.

Jæja, Venezuela - þetta er rusalegt, vitleysa að segja að hún væri ljót - það væri hrein lygi.

2004-03-15T17:45:00.000+01:00

Ég er að fara á Britney Spears tónleika þann 9. maí - pælið í því.
Ég ætlaði að reyna að komast á Metallica í maí en núna fær maður ekki nema einhver sæti sem gætu alvegeins verið í annari borg.
En ég og Bjössi mætum í spandex gallanum og með glimmerflétturnar.

Þá er ég búinn að breyta miðanum góða og fer til Noregs næstu helgi - tek frí föstudag og mánudag þannig að þetta verður löng helgi og fín.
Glæpamenn samt - þurfti að borga 2/3 af upprunanlega verðinu, þau kunna þetta þessi lággjaldaflugfélög.
En það verður gaman að kíkja til Oslóar.

Eru menn alveg að glopra vitinu yfir þessum dalli uppí fjöru með úldnandi síld í? maður bara spyr.
Geta þeir ekki aulað svona dalli útá sjó - ég veit ekki betur en að mönnum hafi tekist að byggja þvílíka pýramída með handafli.

2004-03-13T18:23:00.000+01:00

Dominos pizza í Danmörku er ekki næstum eins góð og á Íslandi. Ég krefst skýringa.
Alltaf er MC-Viðurstyggðardonalds eins allstaðar.
Ömurlegt.

Í gærkveldi fórum ég og Heimir og Bjössi á Moose og fórum svo á Djass Club og þvílíkar drottningar þarna. Rusalegt.

Ég er viss um að ég sé alltaf að verða betri í dönsku en þótt það hljómi ótrúlega þá rugla ég Ítösku og dönsku saman - meikar ekki alveg sens, oftast er eitthvað ítalskt orð í þeim fáu setningum sem mér tekst að aula saman.

Nú sitjum ég og Heimir og Calli að glápa á fussball og svo ætlum við að kíkja eitthvað. Gaman saman.

Ég er algjör auli - ég pantaði miða til Oslo að heimsækja frænku mína sömu helgi og Danni kemur í heimsókn.
Gekk frá miðanum og var sáttur við að vera búinn að þessu og svo fattaði ég það. Djöfuls.
En það er hægt að breyta miðanum og það mun ég gera á mánudaginn eða mandag ( góður í dönsku mar)

Þetta blessast alltsaman.

2004-03-11T10:04:00.000+01:00

Ég held að ég labbi hægt, allavegana er það mjög oft sem ég er að labba - t.d. á Strikinu að ég tek eftir því að fólk labbar hraðar en ég.
Meirasegja pínulitlar konur á háhælum labba hraðar en ég.
Hálf glatað eitthvað.... þessvegna finnst mér alltaf svaka gaman að fara á svona rúllustigafæriband á flugvöllum og labba á því afþví þá stingur maður alla þá af sem föttuðu ekki að nota færibandið.

Fór að sjá Lord of the Rings III í gær - þetta var í annað sinn sem ég sá hana, en pælið í því að hún er ennþá sýnd í sal 1. í Danmörku. Þokkalega eftirá - góð mynd samt.

Rétt í þessu gerði ég merkilega uppgötvun - eitthvað sem kennarar eða tilvonandi kennarar ættu að tileinka sér.
Nú spyr vafalaust fólk sig af spenningi - hvað uppgötvun?
Það er hvorki meira né minna útskýring á þessu halv-tres bulli sem flækist fyrir allmörgum ef ekki flestum

Þetta kemur úr eld gamla daga því þá var eitthvað til sem hét "snes" sem var 20.
Þannig að:
halvtres = 3 x snes (20) = 60 - halv X snes (10) = 60 - 10 = 50.
tres = 3 x snes (20 = 60.
halvfjerds = 4 x snes (20) = 80 - halv x snes (10) = 80 - 10 = 70.
Firs = 4 x snes (20) = 80
halvfems = 5 x snes (20) = 100 - halv x snes (10) = 100 - 10 = 90

Finnst ykkur þetta ekki magnað.

2004-03-09T22:39:00.000+01:00

Jæja, þá mættur í baunaveldið.
Hér ætla ég að skrifa það sem á daga mína drífur hér í Danmörku.

Nú hef ég verið síðan 6. febrúar - rúmann mánuð. Magnað.

Ég fór síðustu helgi til Hølsterbro - eða Hulsturbrú.
Ekki get ég sagt að ég hafi séð mörg hulstur, en ég leitaði ekkert mikið svosem.
Fórum við Bjössi í heimsókn til hans Ísleifs sem býr þar, á Jótlandi - 4 tímar með lest frá Köben.
Það var mikið gaman, en mikið var maður þreyttur eftir þessa ferð.
Fórum niðrá sjó og reyndum að drekkja hundinum hans - en hann fékkst ekki til að elta steinana sem við hentum útí sjó.
Ábyggilega of gáfaður því við eltum alltaf steinana hjá hvorum öðrum útí sjó - en enginn er verri þó hann vökni.
Verst samt hvað buxurnar eyddust á hnjánum þegar við skriðum í sandinum.

Næstu helgi kemur Heimir í heimsókn frá Spáni - verður gaman að sjá framan í hann.

Vil þakka vaittokarhu sérstaklega fyrir einstaklega vitsmuni.